Մեր ծառայությունները

«Թերմո-Ար» ՍՊԸ-ն հանդիսանում է 2004թ.-ին հիմնադրված «Թերմոռոս-Ար» ՍՊԸ-ի իրավահաջորդ կազմակերպություն: Այսօր «Թերմո-Ար» ընկերությունը ՀՀ արդյունաբերողների և գործարարների, ինչպես նաև ՀՀ ճարտարապետների և շինարարների միությունների պատվավոր անդամ է:

Ընկերության առաջնային խնդիրն է բնակչությանն ապահովել անվտանգ, հուսալի ջեռուցման համակարգերով, տեխնիկապես և էսթետիկորեն ներդաշնակ ջեռուցման սարքերով և մատուցել բարձրորակ ծառայություններ: «Թերմո-Ար» ընկերությունն իր գործունեության ընթացքում արժանացել է բազմաթիվ մրցանակների և պատվոգրերի՝ իր առաջարկած ապրանքատեսականու և ծառայությունների բարձր որակի համար:

«Թերմո-Ար»–ն իրականացնում է նաև մեծ շինությունների ջեռուցման համար նախատեսված կաթսայատների կառուցման աշխատանքներ:

Հետևելով իր հիմնական սկզբունքին, որը հաճախորդի բոլոր պահանջներին հետևելն է, և ունենալով պրոֆեսիոնալ մասնագետներից բաղկացած թիմի բացառիկ պոտենցիալը, «Թերմո-Ար» ընկերությունն ապահովում է մեր տեսականում ներկայացված բոլոր սարքավորումների սպասարկումը։ 

«Թերմո-Ար» ընկերության երաշխավորման և սպասարկման կենտրոնը ապահովում է սարքավորումների և համակարգերի երաշխիքային և հետերաշխիքային սպասարկումը։ Պրոֆեսիոնալ կերպով պատրաստված և հավաստագրված մասնագետներ, սեփական պահեսսում պահանջվող պահեստամասերի պահպանում, հերթապահ թեժ գծի առկայություն՝ այս ամենը թույլ է տալիս ապահովել հնացած սարքավորումների շահագործման, վերանորոգման և փոխարինման հետ կապված բոլոր հնարավոր վթարային իրավիճակների արագ լուծումը։

Ջեռուցման համակարգերի տեղադրումը տան ջեռուցման գործընթացի վերջնական էտապն է։ Տեղադրողների և ճարտարագետների պրոֆեսիոնալիզմից և հստակ պլանավորված գործողություններից է կախված կաթսայատան մեջ համալիր սարքավորումների հետագա անխափան աշխատանքը ։Մեր ընկերությունը մեծ ուշադրություն է դարձնում շենքերի և կառույցների ինժեներական համակարգերի պրոֆեսիոնալ մոնտաժմանն ու դրանց հետագա շահագործմանը: Ինժեներական համակարգերի տեղադրման և շահագործման արտադրատեխնոլոգիական գործընթացների կառավարումը տեղի է ունենում ծառայության գլխավոր ինժեների, նախագծման բաժնի մի խումբ վերապատրաստված և արտադրման աշխատանքի համար թույլատվություն ստացած բարձր որակավորում ունեցող ինժեներներիի և մոնտաժողների ներքո։

Թերմո-Ար ընկերության տարբերակիչ առանձնահատկությունը հաճախորդների խնդիրների լուծման ինտեգրված մոտեցումն է: Ընկերության աշխատակիցների պրոֆեսիոնալիզմը թույլ է տալիս իրականացնել գրեթե ցանկացած օբյեկտի ճարտարապետական, շինարարական և ինժեներական նախագծում՝ պահեստներից մինչև առևտրի, զվարճանքի և սպորտային համալիրներ, վարչական շենքերից մինչև արտադրական օբյեկտներ, բազմաստիճան ավտոտնակներից մինչև ժամանակակից ենթակառուցվածքով տնակային գյուղեր: .

«Թերմո-Ար» ՍՊԸ-ի կառուցվածքը ներառում է բարձր որակավորում ունեցող դիզայներների խումբ՝ գլխավոր նախագծի ինժեների ղեկավարությամբ: Ծրագրի թիմը աշխատանքներ է տանում այնպիսի ոլորտներում, ինչպիսիք են՝ ջեռուցման համակարգերը, տաք և սառը ջրամատակարարումը, ջրահեռացման համակարգերը, արդյունաբերական և կենցաղային քիմիական ջրի մաքրումը, օդափոխությունը, օդորակման և սառեցման համակարգերը:

Մենք առաջարկում ենք բարդ ինժեներական սարքավորումներ, այդ իսկ պատճառով մեզ համար կարևոր է անձնակազմի և մեր սարքավորումները վաճառողների պրոֆեսիոնալիզմն ու գիտելիքների աստիճանի շարունակական ավելացումը։ «Թերմո-Ար» ընկերությունն իր գործընկերների, հաճախորդների և աշխատակիցների հետ պարբերաբար սեմինարներ է անցկացնում եվրոպական արտադրության սարքավորումների վերաբերյալ։ «Թերմո-Ար» ընկերության ավելի քան 50 աշխատակիցները ջեռուցման ինժեներներ, վաճառողներ, մարքեթոլոգներ և օժանդակող ստորաբաժանումների աշխատակիցներ են, որոնք բազմամյա փորձ ունեն և վերապատրաստվել են սարքավորումների մատակար–ձեռնարկություններում։